അവസാനം വിശ്വരൂപത്തില്‍ കമല്‍ ഹസ്സന് നായികയായി. വിദേശ ഇന്ത്യാക്കാരിയായ പഞ്ചാബി സുന്ദരി പൂജ കുമാര്‍ ആണ് കമലിനു നായികയാവുന്നത്. 'ചാനല്‍ വി'യുടെ അവതാരകയായ പൂജ വിദേശത്തും ഇന്ത്യയിലുമായി നിരവധി ടിവി ഷോകളും സിനിമകളും ചെയ്തിട്ടുണ്ട്. 2010-ല്‍ 'അഞ്ജാന അഞ്ജാനി' എന്ന ചിത്രത്തിലൂടെ ബോളീവുഡിലും പൂജ അഭിനയിച്ചു. പൂജയ്ക്ക് ഈ ചിത്രം ഒരു വഴിത്തിരിവാകുമെന്നാണ് കമല്‍ ഹസ്സന് പറയുന്നത്. സോനാക്ഷി സിന്‍ഹ ഈ ചിത്രത്തില്‍ അഭിനയിക്കുന്നതിന് കരാറായതായിരുന്നു എന്നാല്‍ ബോളീവുഡിലെ തിരക്കു നിമിത്തം അവര്‍ ഈ ചിത്രത്തില്‍നിന്നും പിന്‍മാറുകയായിരുന്നു. ദീപിക പദുക്കോണ്‍, സോനം കപൂര്‍ എന്നിങ്ങനെ പല പേരുകള്‍ ഈ ചിത്രത്തില്‍ കമലിന് നായികയാവുന്നുവെന്ന് വാര്‍ത്തകള്‍ വന്നിരുന്നു. നായികമാരുടെ പേരുകള്‍ മാറി മാറി കേള്‍ക്കുന്ന വിശ്വരൂപത്തില്‍ പൂജയ്ക്കു പകരം ഇനി മറ്റാരെങ്കിലും നായികയായി എത്തുമോയെന്നും അറിയില്ല.കാത്തിരിക്കാം കൂടുതല്‍ വാര്‍ത്തകള്‍ക്കായി.
No comments:
Post a Comment